Natanggap na ni Pangulong Rodrigo Duterte ang second dose ng COVID-19 vaccine na gawa ng Sinopharm.
Sa ibinahaging larawan sa facebook account ni Sen. Christopher Go, si Health Secretary Francisco Duque III ang muling nagbakuna kay Pangulong Duterte.
Ang naturang post ay kinumpirma ni Presidential Spokesperson Harry Roque na fully vaccinated na ang punong ehekutibo bago isinagawa ang kanyang pagpupulong sa ilang miyembro ng Inter-Agency Task Force.
Una nang naging kontrobersyal ang pagpapaturok ng first dose ni Pangulong Duterte nuong Mayo 3 dahil wala pang awtorisasyon ng Food Drug and Administration (FDA) ang Sinopharm vaccine.
Samantala, nuong nakaraang buwan lamang ay binigyan ng FDA ng emergency use authorization ang Sinopharm vaccine.
