Tataas pa ang presyo ng mga bulaklak sa Manila Memorial Park hanggang sa Nobyembre 2.
Ayon sa mga nagtitinda, mula sa 80 pesos na maliit na flower arrangement, tataas ito hanggang sa 100 pesos habang ang malaking flower arrangement naman ay posibleng maging 900 pesos mula sa 700 pesos.
Sinabi pa nila na nagbabawi lamang sila dahil dalawang taong matumal ang bentahan ng bulaklak tuwing undas dahil sa COVID-19 pandemic.
Patuloy naman ang pagdagsa ng mga tao sa Manila Memorial Park sa Quezon City.
Maliban dito, asahan na rin na dodoble pa ang presyo ng mga bulaklak sa Dangwa sa Sampaloc, Manila dalawang araw bago mag-Undas.
