Tiniyak ni Pangulong Rodrigo Duterte na magkakaroon ng mga karagdagang bagong aircraft facilities ang Presidential Airlift Wing o PAW.
Sa ginanap na 49th Anniversary Celebration ng 250th Presidential Airlift Wing, tiniyak ni Pangulong Duterte sa mga miyembro ng PAW na ma-aasahan nila ang kanyang boong suporta.
Nagpapatuloy anya ang procurement ng mga bagong aircraft na magagamit nila para mas mapaigting ang pagbibigay seguridad sa isang Pangulo.
Ayon kay Pangulong Duterte, sa loob ng 50 taon ay nanatiling tapat at matatag sa kanilang mandato ang 200 malalakas na miyembro ng PAW upang protektahan ang punong ehekutibo sa lahat ng oras.
Dagdag pa ng Pangulo, mataas ang kanyang kumpyansa na ang 250th PAW ay patuloy na uunlad at tatatag para sa bansa, sa kabila ng mga pagsubok na ating kinakaharap.
Ulat ni Jopel Pelenio
SMW: RPE