Magsisimula sa September 7 ang pagbubukas sa publiko ng Precinct Finder ng Commission on Elections para sa 2026 BARMM Parliamentary Elections.
Sa pamamagitan nito, maaaring tingnan ng mga botante kung saang polling place sila itinalaga bago ang aktwal na araw ng halalan sa September 14.
Ayon sa Comelec, para magamit ang Precinct Finder, kailangang ihanda ng mga botante ang kanilang buong pangalan, petsa ng kapanganakan, at lugar kung saan sila nakarehistro.
Sa ngayon, labindalawang araw na lamang bago ang 2026 BARMM Parliamentary Elections, hinihikayat ang mga botante na alamin nang maaga ang kanilang polling place upang masiguro ang maayos at mabilis na pagboto sa araw ng halalan.—sa panulat ni Reabelle Medina
