Bawal muna sa Iloilo ang mga ibon at poultry products mula sa kalapit na lalawigan ng Capiz.
Ayon kay Iloilo Acting Provincial Administrator Dennis Ventilacion, sinimulan nila nitong December 3 ang 10 araw na ban sa poultry products bilang hakbang laban sa bird flu matapos i-report ng Capiz ang isang kaso nito.
Sinabi ni Ventilacion na ilang poultry farms at kumpanya sa Capiz ay mayruong planta sa Iloilo kaya’t dapat lamang silang magpatupad muna ng ban.
Subalit imomonitor pa rin aniya nila ang sitwasyon sa mga susunod na araw para matutukan kung ano ang mangyayari sa kaso ng bird flu.
Inihayag ni Ventilacion na kukunsulta naman nila ang local stakeholders kung kailangan i-extend o i-lift na lang ang ban.
