Umakyat ng bahagya ang positivity rate sa Metro Manila.
Batay sa inilabas na datos ng OCTA Research Group kahapon, nasa 16.9% ang bilang ng mga nagpopositibo sa COVID-19 na mas mataas kumpara sa 15.5%na naitala nuong July 26.
Tumaas din ang Average Daily Attack Rate (ADAR) na ngayon ay nasa 8.39 mula sa 7.34 noong nakaraang linggo.
Sinabi ni Dr. Guido David na nananatiling nasa low risk ang Healthcare Utilization Rate (HCUR) sa naturang rehiyon.
Bumaba naman sa 1.24 ang reproduction number o bilis ng hawaan ng COVID-19 sa rehiyon mula sa 1.33 na naitala noong nakaraang linggo.
Samantala, nananatiling “moderate risk” sa COVID-19 ang NCR.
