Patuloy na bineberipika ng Philippine National Police-National Capital Region Police Office o PNP-NCRPO kung may nakapasok na miyembro ng Maute group sa Metro Manila.
Ayon kay PNP-NCRPO Chief Director Oscar Albayalde, posibleng mangyari ito dahil marami silang mga kamag-anak sa mga Muslim areas sa Metro Manila.
Gayunman, sinabi ni Albayalde na noong nakaraang taon pa man ay mayroon na silang patuloy na ugnayan sa Muslim leaders sa mga Muslim areas sa Metro Manila lalo na sa Quiapo, Quezon City at sa maharlika sa Taguig.
Tuloy-tuloy rin anya ang monitoring na ginagawa nila sa mahigit pitumpung (70) lugar na posibleng pagtaguan ng Maute.
Matatandaan na nitong nakaraang linggo, nahuli sa Tondo Maynila ang isa sa mga sub-leader ng Maute Group.
—-
