Malaking tulong ang reward money na alok ng Department of Justice sa pagdakip kina dating bureau of Corrections Chief Gerald Bantag at Dating Deputy Officer Ricardo Zulueta na suspek sa pagpatay sa Radio Broadcaster na si Percy Lapid.
Ayon kay PNP Spokesperson Col. Jean Fajardo, tiwala silang sa pamamagitan nito ay lalabas ang mga impormasyon sa posibleng kinaroroonan ng dalawang suspek.
Iginiit pa ni Col. Fajardo na mas mainam kung kusang sumuko na lamang sina Bantag at Zulueta at harapin ang kanilang mga kaso.
Matatandaang inanunsyo ng DOJ ang P 2 – M pabuya sa sinumang makapagbibigay ng impormasyon para madakip si Bantag at P 1-M naman kay Zulueta.
