Inamin ng PNP Counter Intelligence Task Force na mayruong mga pulis na ginagawang gatasan ang war on drugs.
Sinabi ni PNP CITF Spokesman Chief Inspector Jewel Nicanor na sa halip na gawing accomplishment pinagkaka perahan ng ilang tiwaling pulis ang mga naarestong drug suspects na kinokotongan kapalit nang pagpapababa sa kaso.
Ang pahayag ay ginawa ni Nicanor matapos masangkot ang pitong pulis ng Navotas City sa pagdukot sa isang drug suspect at pinatutubos ng 100,000 Piso sa mga magulang nito.
Hawak na ng PNP CITF ang mga suspek na pulis at nasapahan na rin ng reklamong kidnapping at physical injuries.
Umaabot na sa 57 ang mga pulis na na naaaresto ng PNP CITF.
