Inihayag ngayon ni Philippine National Police o PNP Chief Director General Ronald “Bato” Dela Rosa na nais niyang ibalik sa “building 14” ang mga drug lords ng New Bilibid Prison.
Ayon kay Dela Rosa, kapag nailipat na siya sa Bureau of Corrections, agad nyang isasailalim sa accounting ang lahat ng drug lords sa national penitentiary.
Matatandaang una nang inanunsyo ni Pangulong Rodrigo Duterte na kanyang itatalaga bilang susunod na BuCor chief si Dela Rosa sakaling magretiro na ito sa PNP sa buwan ng enero ng susunod na taon.
Naniniwala si Dela Rosa na mas mababantayan ng maigi ng PNP Special Action Force ang mga naturang drug lords kapag naibalik na sila sa building 14.
Sa ngayon kasi anya, hindi namomonitor ng maayos ng PNP ang mga malalaking drug lords dahil inilagay ang mga ito sa medium security compound na hindi saklaw ng pambansang pulisya.