Nasa bansang Cambodia ngayon si Philippine National Police (PNP) Chief, P/Gen. Dionardo Carlos na dumadalo sa ika-40 taong ASEAN National Police (ASEANAPOL).
Dinaluhan ang kumperensya ng mga pinuno ng Pulisya mula sa mga bansang Brunei Darrusalam, Indonesia, Malaysia, Pilipinas, Singapore, Thailand, Vietnam, Laos, Myanmar at Cambodia na siyang host country.
Kasama rin dito ang mga delegado mula sa China, Japan, South Korea, New Zealand, United Kingdom, Canada, Turkey, INTERPOL, International Association of Chiefs of Police, US FBI at kinatawan ng Russian Embassy sa Phonm Penh.
Tinatalakay dito ang mga usaping may kinalaman sa trans-National crime gayundin ang pagpapalakas sa kooperasyon ng iba’t ibang law enforcement agencies laban sa mga sindikato.
Kabilang ang Pilipinas sa mga founding members ng ASEANAPOL na nag-host nuong 1981 at muli sa ika-34 na kumperensya nito nuong 2017. —sa ulat ni Jaymark Dagala (Patrol 9)
