Nais ni House Deputy Speaker Benny Abante na busisiin ng Kamara ang national vaccination program.
Layon ng inihaing house resolution number 1573 na malaman kung ano ang plano ng gobyerno sa Philippine national deployment and vaccination plan for COVID-19 vaccines, mula sa pagkuha ng mga suplay hanggang sa pagturok ng bakuna.
Giit ni Abante, mahalagang mabusisi ang plano dahil ito ay makakaapekto sa mga Filipino.
Pinagtibay ng gobyerno ang plano ukol sa national vaccination program noong pang Enero at ipatutupad ito ng National Task Force, regional and local COVID-19 task forces.
