Iprinisinta ng Department of Public Works and Highways (DPWH) ang mga plano nilang imprastraktura para masolusyunan ang halos taun-taong problema sa baha.
Ayon kay Engr. Jerry Fano ng DPWH, dapat matuloy ang phase 4 ng Pasig-Marikina River Basin kung saan magtatayo ng flood walls.
Nakasaad din sa proposal ang planong pagtatayo ng Manggahan Control Gate Structure na kayang sumalo ng mas maraming tubig-baha.
Andyan din ang panukalang Marikina Dam na may flood control function para makahigop din ng tubig-baha sa panahong tumataas ang tubig dahil sa lakas ng ulan.
Samantala, sinabi naman ni DPWH Undersecretary Emil Sadain na maayos ang disensyo nila para sa flood control projects at hinihintay na lamang aniya ang pag-apruba ng National Economic and Development Authority at pagpapalabas ng pondo.
Inaasahan umanong matatapos ang proyekto sa loob ng tatlo hanggang limang taon.
