Patay ang isang Filipino driver matapos umanong magbigti sa bahay ng kaniyang employer sa Shouson Hill Road, Wong Chuk Hang, Hongkong.
Nakilala ang biktima na si Vicmarfe Pedroso, tatlumput apat (34) na taong gulang, may asawa at dalawang anak at residente ng Barangay Caw-I, Batad, Iloilo.
Ipinabatid ng kapatid ng biktima na nagkaroon ito ng matinding away at kaniyang misis na dahilan kaya’t nagbigti ang nasabing OFW.
Ang labi ng biktima ay dinala sa Victoria Public Mortuary at isinailalim na sa autopsy examination.
Inaayos na ng kapatid ng biktima ang mga dokumento para sa agarang pagpapauwi ng labi at makuha ang mga benepisyo para sa kaniyang naiwang pamilya mula sa OWWA.
By Judith Estrada – Larino
