Malaking tulong sa mga magsasaka ang executive order no. 4 na inilabas ni Pangulong Ferdinand Marcos Jr.
Sa panayam ng DWIZ, sinabi ni Leonardo Montemayor, dating DA secretary na ngayon ay Pangulo ng Federation of Free Farmers na makakapagpakalma sa mga magsasaka ang naturang utos.
Ayon sa kay Montemayor, isang taong ititigil ang amortization bilang paghahanda sa isinusulong na batas upang mapawalang bisa ang mga unpaid amortization at interest na binabayaran ng mga magsasaka.
‘pag nangyare po ‘yun yung batas mismo makakabuhos po sila ng buong sigla at interes sa kanilang pagsasaka, hindi na po naka-hang sa ibabaw ang ulo ito pong problema ng utang… kaya kahapon tuwang-tuwa po ako nung inemphasize ni Pangulong Marcos, kailangan panahon na rin para suklian natin ang ating mga magsasaka bilang pagkilala po sa napakatagal na at mabigat na mga suliranin na kanilang kinakaharap, magtanim po ng sapat para po sa ating kasiguruhan din po sa pagkain… — Leonardo Montemayor, presidente ng Federation of Free Farmers Cooperations
Samantala, bagama’t kakailanganin pa ng oras, ipinabatid ni Montemayor na mas mapapalakas ang food security dahil mas maeengganyo ang mga magsasaka na magtrabaho.
it will take time also kasi hindi naman pwede sa loob ng isang taon mga problema po halimbawa sa farm to market road, sa patubig, ay malutas..I think basta ipagpatuloy ni Pangulong Marcos yung kanyang commitment sa agriculture sector at sa ating magsasaka at sa general public e he will be able to kumbaga sa bahay siya po ang magli-lay ah provide ng pundasyon para sa talagang pagbangon po at pag-unlad ng ating agriculture at business sector…” — Leonardo Montemayor, presidente ng Federation of Free Farmers Cooperations
—sa panulat ni Hannah Oledan