Isa sa pinakamalaking source ng umano’y fraudulent activities o korapsyon sa PhilHealth ang legal department ng ahensiya.
Ito ang inihayag ni Justice Secretary Menardo Guevarra sa ginanap na press briefing sa Davao City kasama si Pangulong Rodrigo Duterte.
Ayon kay guevarra, lumabas sa isinasawang pagsisiyasat ng task force gayundin ng mga investigation reports mula sa pagdinig ng Senado at Kamara na pinakatalamak ang iregularidad sa legal sector ng PhilHealth.
Dagdag ni guevarra, tututukan din ng task force ang IT system ng PhilHealth at ang Interim Reimbursement Mechanism (IRM) program nito.
Masusi rin aniyang iimbestigahan ang financial management ng PhilHealth kung saan kanilang pinaniniwalaan na nagkaroon ng maraming iregularidad noon.
