May pag asa pang muling gumulong ang peace negotiations ng gobyerno at CPP NPA.
Ipinabatid ito mismo ng Pangulong Rodrigo Duterte tatlong araw matapos niyang ideklarang terror organization ang CPP NPA.
Sa pagdiriwang ng 84th anniversary ng Department of Labor and Employment sa Malolos, Bulacan sinabi ng Pangulo na balang araw ay posibleng buhayin muli ni Labor Secretary at Government Chief Negotiator Silvestre Bello ang usapang pangkapayapaan sa maka kaliwang grupo.
Hindi naman nagbigay ng iba pang detalye ang Pangulo at hindi rin binaggit kung anu ano ang mga kondisyon para sa muling pagbabalik ng peacetalks.
