Suportado ng PDEA ang naging pagsibak ni Pangulong Rodrigo Duterte kay Vice President Leni Robredo bilang co –chair ng ICAD.
Ayon kay PDEA Chief Aaron Aquino, iginagalang at nagtitiwala sila sa sa naging desisyon ng Pangulo.
Aniya, anoman ang mangyari magpapatuloy ang PDEA sa pagsakatuparan ng mandato nito na pigilan ang paglaganap ng illegal na droga sa bansa.
Una nang sinibak ni Pangulong Duterte sa pwesto si Vice President Leni Robredo dahil pinagbigyan lamang nito ang hamon ng Pangalawang Pangulo at ng Partido Liberal na tanggalin siya sa pwesto kung walang tiwala sa kanya ang Pangulo.
