Matapos manumpa bilang ika-17 Pangulo ng Pilipinas ay binigyang diin ni Pangulong Ferdinand “Bongbong” Marcos Jr., na wala siyang sinaktan o inapakan na sinuman sa kaniyang mga kalaban noong panahon ng kampanya.
Sa kanyang inaugural speech kanina ay muli nitong ipinarating sa publiko ang kanyang panawagan na magkaisa.
Magugunita na nanumpa si Marcos kanina sa National Museum sa Lungsod ng Maynila.
Aniya, hindi niya malilimutan ang lugar na dating legislative building kung saan nila sinusundo ang kanilang ama na si Marcos Sr. noong senador pa ito.