Naglaan na ang Department of Labor and Employment (DOLE) ng paunang P100M bilang emergency employment fund para sa mga dating miyembro ng MILF.
Kasunod ito nang pakikipag kasundo ng DOLE sa Office of the Presidential Adviser on the peace process para mapalawig ang integrated livelihood and emergency program ng ahensya upang matulungan ang 7,000 decommissioned MILF combatants.
Ayon kay Labor Secretary Silvestre Bello III magbibigay din ng mga trabaho at pagkakakitaan sa 6 na kampo ng MILF.
Batay sa kasunduan tutulong ang DOLE sa OPAPP sa pagpapatupad ng comprehensive agreement on the Bangsamoro normalization program sa pamamagitan ng pagbibigay ng trabaho sa ilalim ng tupad program.
