Simula pa lamang nang mag-angkat ng COVID-19 vaccines ang bansa ay ipinatutupad at kabilang na sa polisiya na ng pamahalaan ang inihayag ni Pangulong Rodrigo Duterte na hindi maaring mamili ng bakuna ang publiko.
Ayon kay Presidential Spokesperson Atty. Harry Roque, hindi naman kasi aniya pupwedeng parang maging restaurant na maari kang mamili ng nais mong putahe o pagkain.
Pahayag ni Roque, kung ano ang nariyang vaccine, iyon ang ibibigay ng mga vaccinator.
Giit ng kalihim, batid naman ng lahat na walang ibang binigyan ng karapatang makapamili ng kanilang nais na vaccine kundi ang mga medical frontliners lamang ng bansa.
