Lusot na sa ikalawang pagbasa sa kamara ang panukalang batas na magbibigay ng honoraria, allowances at certificates of Civil Service Eligibility sa mga opisyal ng Sangguniang Kabataan.
Sa pamamagitan ng Viva Voce o voice voting, inaprubahan ang House Bill 10698 na layuning amyendahan ang Republic Act 10742 o “Sangguniang Kabataan Reform Act of 2015.”
Alinsunod sa bill na ini-akda ni Albay Rep. Joey Salceda, entitled ang S.K. Councilors sa “honoraria, allowances” at iba pang benepisyo na pinapahintulutan ng batas.
Pinalawak din anya ang tungkulin ng S.K., na kinabibilangan ng skills training, youth employment, environmental protection, values education at iba pang programang may kaugnayan sa kabataan.
Sa ngayon ay tanging mga S.K. Chairperson ang nakatatanggap ng mga nasabing benepisyo.