Muling ipinatawag ni Pangulong Noynoy aquino sa Malacañang ang kanyang Cabinet Security Cluster.
Sentro ng pagpupulong ang mga usapin tungkol sa West Philippine Sea at ang sitwasyon sa Mindanao, partikular ang ginagawang aksyon ng gobyerno laban sa bandidong Abu Sayyaf Group.
Kabilang sa dumalo sa pagpupulong sina Executive Secretary Paquito Ochoa Jr., Defense Secretary Voltaire Gazmin, Secretary of Foreign Affairs Jose Rene Almendras, Justice Secretary Emmanuel Caparas, at mga kinatawan ng AFP at PNP.
Patuloy na sinisikap ng mga otoridad na mabawi nang ligtas ang mga dayuhan at Pilipinong bihag ng Abu Sayyaf bago matapos ang termino ng Pangulong Aquino.
Matatandaang nagbanta na naman ang Abu Sayyaf Group na pupugutan ang iba pang bihag ngayong buwan ng Hunyo kapag hindi naibigay ang kanilang ransom demand.
By: Avee Deviete