Walang naitalang firecracker – related injuries sa pagsalubong sa Bagong Taon sa Puerto Princesa City, Palawan sa kauna – unahang pagkakataon.
Ayon kay Senior Inspector Pearl Lamban – Marzo, spokesperson ng Puerto Princesa City police office, batay sa kanilang mga nakalap na impormasyon mula sa mga ospital partikular sa ospital ng Palawan ay walang naitalang nasugatan.
Patunay aniya ito na naging pangkalahatang mapayapa ang pagsalubong sa Bagong Taon sa kanilang lungsod.
Gayunman, isang pitong (7) taong gulang ang isinugod sa ospital makaraang aksidenteng malunok ang nguso ng torotot.
Tumatakbo umano ang bata habang nagto-torotot at nadapa kaya’t nalunok ang nguso dahilan upang isugod ito sa ospital.
