Patuloy na susuportahan ng malakanyang ang mga atleta ng bansa kabilang na si olympic pole vaulter ernest john obiena.
Umaasa si Acting Presidential Spokesman Karlo Nograles na agad mapa-plantsa ang gusot sa pagitan ni Obiena at ng Philippine Athletics Track and Field Association (PATAFA).
Ayon kay Nograles, hinihintay pa nila ang mga development sa issue makaraang isumite ng Philippine Sports Commission at Commission on Audit ang mga dokumentong kailangan.
Una nang inihayag ng PATAFA na kanilang tatanggalin si obiena sa national training pool matapos lumabas ang resulta ng imbestigasyon sa hindi umano pagbabayad ng atleta ng coaching fees sa kanyang coach na si Vitaly Petrov.
