Binuweltahan ng Malakaniyang ang mga kritiko ng administrasyon na nag-uugnay sa pagkukulang ng gobyerno sa pagbubukas ng community pantries sa iba’t ibang panig ng bansa.
Ayon kay Presidential Spokesperson Harry Roque, ang mga community pantry ay nagpapakita ng pag-iral ng bayanihan at hindi ng bangayan.
Sa panahon aniya ngayon ng matinding pandemya, kinakailangan talaga na sama-sama tayong mga Pilipino sa pagtutulungan dahil kundi umano ay sino pa ba ang magtutulungan.
Kasabay nito, nakiusap si Roque na itigil muna ang pulitika lalo’t sa panahon ngayon kung saan kailangan ang bayanihan ang umiral.
