Muling umapela ang Malacañang sa publiko na magtipid ng tubig upang mabawasan ang epekto ng inaasahang matinding epekto ng El Niño phenomenon simula ngayong buwan hanggang sa unang bahagi ng taong 2016.
Ayon kay Presidential Spokesman Edwin Lacierda, ang pagtitipid ng tubig ay isa sa mga solusyon upang maantala ang nagbabadyang water crisis.
Inatasan na rin anya ni Pangulong Benigno Aquino III ang mga concerned government agency na maglatag ng mga plano upang mapahupa ang epekto ng tagtuyot partikular sa sektor ng agrikultura.
Kabilang sa mga unang magpapatupad ng water service interruption simula sa susunod na linggo dulot ng El Niño phenomenon ang Maynilad.
By Drew Nacino
