Hindi pa kumpiyansa ang Malakanyang na luwagan at isailalim sa alert level 1 ang ilang lugar sa bansa.
Sinabi ni Acting Presidential Spokesperson Karlo Nograles, kailangan mas palakasin muna ang vaccination na ginagawa ng gobyerno.
Aniya, kung titignan ang mga guidelines sa alert level 1 ay halos bukas na lahat ng establisyimento.
Dagdag ni Nograles, hindi pa naisasapinal ang parameters sa ilalim ng alert level 1 bukod pa sa marami pang dapat na malaman sa Omicron variant kung saan dumating na sa Pilipinas.
Sa ngayon, nakasailalim sa alert level 2 hanggang sa katapusan ng Disyembre ang ilang lugar sa bansa.
