Posibleng simulan na sa December 10, ang pagtuturok ng COVID-19 vaccine booster sa A4 priority group o economic frontliners.
Ito ang inihayag ni National Task Force against COVID-19 Chief Implementer at Vaccine Czar, Secretary Carlito Galvez.
Sa kasalukuyan ay ibinibigay pa lamang ang booster doses sa A1 hanggang A3 priority groups, na binubuo ng health workers, senior citizens at ilang piling immuno-compromised individuals.
Bukod sa National Vaccination Days na magsisimula ngayong araw hanggang December 1, ikakasa rin ng Gobyerno ang ikalawang National Vaccination Drive sa December 15 hanggang 17.
Ito’y upang maabot ang target na makapagbakuna ng 54-M na filipino hanggang katapusan ng taon. —sa panulat ni Drew Nacino