Target ng gobyernong mapabilis ang rollout ng COVID-19 booster upang makamit ang tinatawag na “Wall of immunity”.
Ayon kay Vaccine Czar Carlito Galvez, layunin nilang mapigilan ang surge tuwing may bagong variant at para makamit ito ay mahalagang mabakunahan kontra COVID-19 ang lahat ng kwalipikadong indibidwal.
Sa ngayon anya ay nasa 57.8M Filipino na ang naka-kumpleto ng bakuna at halos 6.7M pa lang ang may booster o dagdag na dose.
Samantala, nanawagan si Galvez sa mga magulang na pabakunahan na rin ang kanilang mga anak sa sandaling umarangkada na ang vaccination ng mga batang edad lima hanggang labing-isa sa February 4. —sa panulat ni Mara Valle
