Simbolo ng pagkakaroon ng “psychology of a criminal” ang ginagawang pag-deny ni Chief Justice Maria Lourdes Sereno sa kabila ng mga matitibay na ebidensya na lumabas sa impeachment probe ng kamara.
Ito ang derechahang pahayag ni Atty. Lorenzo Gadon laban sa punong mahistrado na sinampahan nya ng kasong impeachment.
Ayon kay Gadon, maliwanag sa testimonya ni Associate Justice Teresita De Castro sa house inquiry na maraming ginawang impeacheable offense si Sereno habang nakaupo sa korte suprema.
Pahayag nito, kung patuloy na itatanggi ng punong mahistrado ang mga nagawang pagkakamali, hindi malayong nahawaan na ito ng pagiging “utak kriminal” ng mga nahatulang preso sa kulungan.
Inihalimbawa ni Gadon ang mga na-convict sa New Bilibid Prison na halos isandaang porsyento (100%) itinatanggi ang mga nagawang krimen.
