Anggulong pulitika at personal ang tinitingnan ngayon ng pulisya kaugnay sa pagkakapatay sa asawa ni Bislig City, Surigao Del Sur Mayor Librado Navarro.
Ayon kay C/Insp. Ephraim Magreno, hepe ng Bislig City Police Office, nag-aayos lamang sa Baywalk Park sa Bislig ang biktimang kinilalang si Ginang Carmencita Navarro nang tambangan ito ng hindi pa matukoy na suspek na sakay ng motorsiklo.
Lumalabas sa paunang imbestigasyon ng pulisya na binaril patalikod ng suspek ang biktima at saka ito tumakas patungo sa hindi tinukoy na direksyon.
Napag-alamang walang bodyguard si Ginang Navarro nang tambangan ito ng suspek na ngayo’y tinutugis na ng mga awtoridad.
