Ipinagpaliban ng Department of Transportation (DOTr) ang pagpapatupad ng point to point operation ng mga UV Express.
Ayon kay Transportation Assistant Secretary for Communcations Goddes Hope Libiran, suspendido ng 2 linggo ang pagpapatupad ng Memorandum Circular number 2019-025 ng LTFRB o Land Transportation Franchising and Regulatory Board.
Ito ay para aniya magbigay daan sa pagsasagawa ng konsultasyon at paghingi ng posisyon ng mga stakeholders o mga maapektuhan ng pagpapatupad sa p2p operation ng mga UV Express.
Inaasahan namang magpapalabas ng pormal na abiso ang LTFRB kasunod ng naging pasiya ng DOTR.
