Sa gitna pa rin ng usapin ng pagtatanggal ng mandatory na pagsusuot ng face mask sa mga outdoor areas sa cebu province ay naniniwala si Outgoing Health Secretary Francisco Duque III na mas makabubuti kung mananatili pa rin ang mask mandate kahit na sa susunod na administrasyon.
Ayon kay Duque, kung siya ang tatanungin ay mas maganda kung ma-extend na muna ang pagsusuot ng face masks dahil sa proteksyong ibinibigay nito sa publiko, hindi lamang sa COVID-19, kundi pati na rin sa pang mga sakit.
Naniniwala ang kalihim na matatagalan pa bago tuluyang mawala ang virus kaya’t dapat aniya ay matuto na ang publiko kung paano ito i-manage.
Kasabay nito ay umapela rin si duque na tuloy pa rin na sumunod ang publiko sa mga health protocols upang maiwasan ang muling surge ng COVID-19 cases sa bansa.