Nanawagan ang ilang doktor na mas paigtingin ang mga ipinatutupad na testing at quarantine measures sa gitna ng banta ng Omicron variant.
Sinabi Dr. Maricar Limpin ng Philippine College of Physicians, dapat maisailalim ang lahat ng biyahero sa RT-PCR test kahit saan pa ito nagmulang bansa o may bakuna man o wala.
Sa ngayon, nasa labing apat na bansa na ang kasama na sa red list ng Pilipinas kabilang ang south africa kung saan unang na detect ang nasabing variant.
Samantala, hindi maaaring makapasok ang mga biyaherong galing sa mga red list country sa nakalipas na 14 na araw.
