Pinag-aaralan na ng mga lokal na pamahalaan ang ordinansa na maglilimita sa paglabas ng mga kabataan sa pampublikong mga lugar.
Ayon kay Interior Undersecretary Jonathan Malaya, ipinabatid na nakausap na ni DILG Secretary Eduardo Año ang mga alkalde kung saan inatasan narin itong pag-usapan ang bagay na ito.
Bukod dito, maraming LGUs na rin ang nagbabalangkas ng kanilang mga ordinansa habang ang iba naman ay may executive order na hinggil dito.
Bumuo na aniya ang Metropolitan Manila Development Authority (MMDA) ng technical working group para sa naturang polisiya.
