Nakasisiguro si Congw. Janette Garin na pinag-isipang maigi ng Marcos Administration ang desisyon nitong italaga bilang bagong Dept of Health Undersecretary si Former PNP Chief Camilo Cascolan.
Ayon sa mambabatas, tiyak na dumaan sa masusing pag-aaral ang hakbang na ito ng executive branch upang mas maging responsive ang gobyerno sa mga pangangailangang pangkalusugan ng publiko.
Giit ni Congw. Garin, napakahalaga na magkaroon ang bansa ng isang disiplinadong liderato na may puso nang sa gayuy maipadama ng pamahalaan ang tunay at dekalidad na healthcare system.
Samantala, very important naman aniya ng role ng mga scientists, doctors at mga non-medical managers para matagumpay na maipatutupad ang lahat ng programa at proyekto ng health department. - sa ulat mula kay Jopel Pelenio (Pat 17).
