Hiniling ni dating Iloilo Representative Judy Syjuco na suspendihin ang pagdinig sa kanyang kasong graft at malversation.
Ito’y may kaugnayan sa umano’y maanomalyang pagbili ng 1,582 cellphone units na nagkakahalaga ng 5.96 Million Pesos.
Sa anim na pahinang mosyon na inihain ni Syjuco, iginiit nito na dapat suspendihin na ang proceedings makaraang maglabas ng resolusyon ang korte na nagsususpinde sa proceedings ng kanyang kapwa akusado na si Domingo Samuel Jonathan Ng, ang may-ari ng West Island Beverages Distributor.
Batay sa case information na isinampa ng ombudsman, sinasabing nakipagsabwatan si Syjuco kay Ng sa pag-a-award ng naturang kontrata sa West Island BEVERAGES Distributor nang hindi dumaan sa public bidding.
By: Meann Tanbio