Kanselado ang naka-iskedyul na pagtungo nina Senador Grace Poe at Chiz Escudero sa Tawi-tawi sa linggo.
Nakasaad sa ipinalabas na statement nina Poe at Escudero na nakalulungkot na binawi ang imbitasyon sa kanila para dumalo sa foundation day ng Tawi-Tawi dahil sa political reason.
Batid aniya nila na naghahanda na ang mga taga Tawi-Tawi sa kanilang nakatakdang pagbisita, alinsunod sa imbitasyon nina Governor Nurbert Sahali at Congresswoman Ruby Sahali.
Kapwa Liberal Party ang mga ito kaya’t naniniwala sina Poe at Escudero na naging mahirap para sa kanila na bawiin ang imbitasyon sa kanila.
Sa kabila ng pagbawi sa imbitasyon sa dalawa, nagpaabot pa rin ng pasasalamat sina Poe at Escudero at tiniyak sa mga taga Tawi-Tawi na patuloy nilang susuportahan ang kanilang pangangailangan at asahan anila ang kanilang pagbisita sa Tawi-Tawi sa mga susunod na araw.
By Meann Tanbio | Cely Bueno (Patrol 19)
