Binatikos ng Amerika ang ginawang pagdalaw ni Syrian President Bashar Al Assad sa Russia at nakipagkita kay President Vladimir Putin.
Hindi rin pinalampas ng White House ang umano’y red carpet welcome na ibinigay ni Putin kay Assad.
Nagpasalamat si Assad kay Putin sa ginawang airstrikes sa Syria.
Ayon kay White House Spokesman Eric Schultz, ang hakbang ng Russia ay taliwas sa sinasabi nitong political solution sa krisis sa Syria.
Hindi naman na umano ikinagulat ng White House ang pagdalaw ni Assad sa Russia subalit pinangangambahan nito ang patuloy na military support ng Russia kay Assad na posibleng magpalala sa 5 taon nang civil war.
By: Judith Larino