Sisimulan na ng Department of Science and Technology (DOST) na isalang sa clinical trials ang virgin coconut oil para masuri ang epekto nito sa mga probable coronavirus disease 2019 (COVID-19) patients.
Ito ang inihayag ni Pangulong Rodrigo Duterte sa kaniyang 5th weekly report sa Kongreso alinsunod sa mandato ng Bayanihan To Heal as One Act.
Gayuman wala namang sinabi ang pangulo kung kailan ito eksaktong sisimulan.
Una rito, sinabi ni Health Undersecretary Maria Rosario Vergeire na pinag-aaralan na ng DOST ang pagsama ng virgin coconut oil bilang supplement sa mga pasyenteng nagpositibo sa COVID-19.
