Inendorso ng Senate Committee on Social Justice, Welfare and Development ang pag-iinstitutionalize sa conditional cash transfer (CCT).
Kasunod ito ng pagtaas ng bilang ng mga nakakapasok sa paaralan at regular na nagpapa-check up sa mga health center na miyembro ng 4Ps program.
Ayon sa committee report ni Senate Committee Chairman Nancy Binay, maiging gawin na mandatory at bahagi ng national budget ang pagpopondo para ditto upang hindi na nakadepende sa pangulo ng bansa ang pagpapatupad nito.
Maliban dito, mainam anila na taasan ang halaga ng cash grant kada anim na taon upang makatugon ito sa paggalaw ng halaga ng piso.
By Katrina Valle | Cely Bueno (Patrol 19)
