Tuloy pa rin ang pag-iisyu ng digital COVID-19 Vaccine certificates sa ilalim ng VAXCertPH, sa kabila nang napaso nang kontrata ng gobyerno sa kanilang software developer.
Ayon kay Ivan John Uy, kalihim ng Department of Information and Communications Technology (DICT), nagmagandang loob na lang ang provider sa DICT dahil wala ng budget ang ahensiya para rito.
Una nang sinabi ni Uy na napaso na noong September 30 ang kontrata ng software provider sa VAXCertPH, kaya naghahanap na sila ng pondo para mapalawig pa ang programa
Naghahanda na rin ang DICT na iturn-over ang programa sa Department of Health pero hindi pa ito maisakatuparan dahil kulang pa ng equipment ng kagawaran.
