Posibleng matanggap na ng mga benepisyaryo ngayong buwan ang 200 pisong monthly subsidy mula sa pamahalaan.
Ayon kay Acting Presidential Spokesperson Martin Andanar, kasama sa mga makakatanggap ng nasabing subsidiya ay ang mga indibidwal na kabilang sa Pantawid Pamilyang Pilipino Program (4Ps), na aabot sa 12 milyon.
Sa ilalim ng nasabing programa, makakatanggap ng 1,400 pesos kada buwan ang isang household na may tatlong anak.
Kahapon nang aprubahan ni Pangulong Rodrigo Duterte ang rekomendasyon ng Department of Finance na bigyan ng P200 buwanang subsidy ang mga mahihirap na pamilya.
