Gawa umano ng isang may malisosyong intensyon ang pagpapakalat ng maling impormasyon kaya’t nangyari ang overcrowding sa isang vaccination site sa Quezon City.
Ayon kay Mayor Joy Belmonte, hiniling na ng lokal na pamahalaan sa facebook para tanggalin ang post ng dalawang accounts na nagsasabing tumatanggap ng walk-ins ang isang vaccination site sa lungsod noong linggo.
Wala pa aniya silang ideya kung sino ang may pakana nito na posible aniyang may kinalaman sa pulitika o kaugnay sa national issues.
Sa ngayon ay naghihintay umano sila ng update sa ginagawang imbestigasyon ng PNP sa nasabing insidente.