Agad aaksyunan ng tanggapan ng Ombudsman ang mga isinampang kaso laban sa siyam na miyembro ng gabinete ni dating Pangulong Noynoy Aquino.
Kaugnay ito sa maanomalyang kontrata na pinasok ng Department of Transportation and Communication o DOTC sa Busan Universal Rail Incorporated o BURI para sa pagmamantine sa Metro Rail Transit o MRT-Line 3.
Ayon kay Ombudsman Conchita Carpio Morales, kaniyang tututukan ang naturang kaso, ito’y kung hindi siya mapapatalsik sa puwesto sa pamamagitan ng impeachment.
Pangako ni Morales, hindi niya hahayaang matapos ang kaniyang termino sa Hunyo ng susunod na taon nang hindi aniya naglalabas ng resulta hinggil dito.
—-
