Inilarga na ng mga kumpaniya ng langis ang bawas sa presyo sa kanilang mga produktong petrolyo ngayong araw.
Epektibo kaninang alas 6:00 ng umaga ang sampung sentimos na tapyas sa presyo ng kada litro ng diesel ng Sea Oil, Phoenix Petroleum, Petro Gazz, PTT Philippines at Caltex.
Apatnapung sentimos naman ang bawas sa presyo sa kada litro ng kerosene.
Sa abiso naman ng Total at Flying V, sampung sentimos ang bawas sa presyo ng kada litro ng diesel at tatlumpung sentimos naman sa kada litro ng gasolina.
