Makauuwi na ang Overseas Filipino Worker (OFW) na na-ospital sa Saudi Arabia matapos buhusan ng kumukulong tubig ng kanyang amo noong 2014.
Natapos na ang kasong isinampa ni Pahima Alagasi, 26 anyos, laban sa kaniyang amo maging ang kontra-demanda na kanya namang kinaharap.
Magugunitang natakasan ni pahina ang amo habang nasa ospital siya at nagtungo sa shelter ng Philippine Embassy sa Riyadh.
Ayon kay ACTS-Ofw Party-List Rep. Aniceto Bertiz, natagalan ang pag-uwi ng ofw dahil matapos ma-dismiss ang kaso laban sa dating amo, siya naman ang kinasuhan nito at hiningan ng danyos.
Ibinasura naman ng mababang korte sa Saudi ang kaso ng amo laban sa OFW pero ini-apela ang hatol sa mas mataas na korte.
Gayunman, natuldukan ang kaso makaraan ang pagbisita nitong marso ni Saudi Interior Minister at Prince Abdulaziz Bin Saud Bin Nayef sa Malakanyang.
