Sinamantala ng New People’s Army ang peace talks para makapag-recruit ng mga bagong miyembro.
Ito ang inihayag ni AFP Spokesman Major General Restituto Padilla kung saan naging bentahe aniya para sa komunistang grupo ang gumugulong nuon na usapang pangkapayapaan.
Ipinaliwanag ni Padilla na wala masyadong inilunsad na opensiba ang militar laban sa NPA dahil sa peace negotiation sa pagitan ng pamahalaan at mga lider ng National Democratic Front of the Philippines.
Kasabay nito, inalerto at pinag-iingat ni Padilla ang publiko dahil sa posibleng paghahasik ng karahasan ng mga miyembro ng NPA lalo na ngayon na deklarado na bilang mga terorista ang CPP-NPA-NDF.
