Walang naitalang bagong kaso ng coronavirus disease (COVID-19) sa mga komunidad sa New Zealand sa nakalipas na 100 araw.
Ngunit ayon sa mga health officials, hindi pa rin sila dapat magpakampante dahil mayroon pang 23 aktibong kaso na sinasabing na-detect sa mga border ng kanilang bansa at kasalukuyang naka-quarantine ang mga pasyente.
Ayon kay health ministry director-general Ashley Bloomfield, dahil mahigit tatlong buwan nang walang community transmission ay maituturing itong “significant milestone” para sa kanila.
Unang nagpatupad ng lockdown sa iba’t ibang panig ng New Zealand noon pang Marso 19.
